.png)
Nga Gazeta Si- Nga kurrikulat e reja me Inteligjencë Artificiale tek transporti publik për nxënësit dhe programin e ushqimit në çdo bashki, programi qeverisës ‘Rama 4’ përfshin disa pika që synohen të arrihen brenda mandatit të 4.
Në programin për Arsimin theksohet se synimi është rritja e pagave të mësuesve në 1250 euro deri në 2029, ndërtimi i 200 shkollave të reja dhe 1 mijë laboratorë inteligjentë.
Një tjetër objektiv i qeverisë është digjitalizimi i arsimit dhe testimeve dhe zgjerimi i shërbimeve online.
Pritet të ngrihet edhe një agjenci e specializuar dhe e certifikuar që do të bëjë të mundur njohjen automatike të diplomave.
Programi parashikon gjithashtu programe ushqimi pas shkollore dhe program pas-shkollor (after school) dhe në çdo bashki, ngritjen e një shoqërie publike të transportit shkollor dhe ofrimin e këtij shërbimi falas për nxënësit dhe mësuesit që jetojnë larg shkollave.
Gjithashtu synohet edhe përfshirja e diasporës në hartimi politikash, mësimdhënie dhe kërkim shkencor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
