Një nga personat e përfshirë në plagosjen me armë të ndodhur në një hotel në autostradën Durrës-Tiranë, është arrestuar në Durrës.
Policia thotë se ka vënë në pranga 32-vjeçarin me iniciale T.Sh., i shpallur në kërkim lidhur me plagosjen me armë zjarri të 20-vjeçarit Arni Sulejmani.
Ndaj të riut, është caktuar masa e sigurisë “arrest në burg” për akuzën moskallëzim krimi. Ndërkohë, vijon të mbetet në kërkim 26-vjeçari Markeljan Beqiri, i cili dyshohet si autor i plagosjes së të riut.
Tentativa e vrasjes u registrua me 9 dhjetor në një hotel në autostradën Durrës-Tiranë, ku qëndronin tre djem dhe një vajzë.
Motivet e konfliktit mbeten ende të paqarta, por informacionet paraprake thonë se ata kishin përdorur drogë dhe alkool.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.