.png)
Gazeta Si - Gjykata e Tiranës ka caktuar masën “arrest me burg” për 52-vjeçarin Jakup Shahu, i cili plagosi me thikë në qafë dhe trup bashkëshorten e tij.
Ngjarja ndodhi pak ditë më parë në Tiranë, ku e plagosur mbeti Edlira Shahu. 52-vjeçari tha para togave të zeza se ishte penduar për krimin në fjalë.
“Nuk doja ta qëlloja, por u nxeha. E qëllova në debat e sipër”, mësohet të jetë shprehur ai në gjykatë.
Mësohet se gruaja, sipas informacioneve që dha edhe prokurori i çështjes, ndodhet në gjendje të rëndë për jetën, për shkak të 3 goditjeve që ka marrë me thikë.
Jakup Shahu akuzohet për veprën penale “vrasje për shkak të marrëdhënieve familjare e mbetur në tentativë” në dëm të bashkëshortes Edlira Shahu. Sipas burimeve, shkak dyshohet të kenë qenë motivet e xhelozisë së tij ndaj bashkëshortes.
Organi i akuzës ka relatuar para gjykatës së Edlira Shahu është në gjendje të rëndë shëndetësore si pasojë e 3 goditjeve me thikë që ka marrë, njërën plagë e ka në qafë. Në vitin 2011, 52-vjeçari Shahu u dënua për vrasjen e burrit të së dashurës së tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
