.png)
Gazeta Si - Një 30-vjeçar, i cili kishte qëlluar me armë zjarri ndaj dy vëllezërve në Shkodër në vitin 2021 është arrestuar këtë të martë në Tiranë.
Bëhet e ditur se Besmir Përkola u prangos në kuadër të operacionit të koduar policor “Arratia” nga shërbimet e Forcës së Posaçme “Shqiponja” dhe shërbimet e Komisariatit të Policisë Nr. 2.
Gjatë këtij operacioni, në rrugën “Frang Bardhi”, policia ndaloi automjetin tip “Benz”, që drejtohej nga Përkola.
Gjatë kontrollit, në çantën e 30-vjeçarit, u gjetën dhe u sekuestruan në cilësinë e provës materiale, një armë zjarri pistoletë dhe municion luftarak, si dhe një leje drejtimi e dyshuar e falsifikuar.
Në mars të vitit 2021, policia arrestoi edhe dy vëllezërit Marjan dhe Hot Doçaj, të cilët ishin konfliktuar me Përkolën.
Të dyshuarit nuk ishin të panjohur për OFL-në, pasi hetoheshin për lidhje me krimin e organizuar dhe për rrëmbimin e Jan Prengës në Kamëz nga Gentian Doçi, kushëriri i dy vëllezërve që u plagosën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
