Gazeta Si - Një konflikt mes 4 personave që ka degraduar deri në përdorimin e një thike ka ndodhur pasditen e të martës në aksin Llogara-Palasë, ku të lënduar mbetën dy vëllezër pas një konflikti me dy vëllezër të tjerë.
Policia njofton se si pasojë e ngjarjes, ka nisur procedimi në gjendje të lirë për 46-vjeçarin me iniciale A.Ç. dhe është shpallur në kërkim vëllai i tij, 33-vjeçari me iniciale E.Ç. Ky i fundit, dyshohet se për motive të dobëta së bashku me vëllanë e tij janë konfliktuar fillimisht fizikisht me shtetasit K. A., 40 vjeç dhe S. A., 37 vjeç (vëllezër).
Më pas, sipas policisë, 33-vjeçari ka dëmtuar me mjet prerës 2 vëllezërit, të cilët janë jashtë rrezikut për jetën. Materialet procedurale i kaluan Prokuorisë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.