.png)
Gazeta Si – Një konflikt i nisur për linjën e ujit të pijshëm në një pallat në Tiranë ka përfunduar me plagosjen e rëndë të administratorit të godinës.
Ngjarja është shënuar mëngjesin e sotëm në rrugën “Aleksandri i Madh”. Sipas policisë, administratori i pallatit, 74-vjeçari me inicialet F.G., është sulmuar me mjete prerëse, thikë dhe motosharrë nga një banor i së njëjtës godinë.
Policia ka identifikuar dhe arrestuar menjëherë autorin e dyshuar, 35-vjeçarin K.L., i cili banon në pallatin ku ndodhi ngjarja.
Sipas hetimeve paraprake, mes 35-vjeçarit dhe administratorit ka nisur një konflikt për linjën e ujit të pijshëm, i cili më pas ka degjeneruar në dhunë dhe plagosje.
Në vendngjarje, efektivët kanë sekuestruar një thikë dhe një motosharrë, të cilat dyshohet se janë përdorur gjatë sulmit.
74-vjeçari është transportuar me urgjencë në spital, ku po merr ndihmë mjekësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje