Në pamje të parë ato mund të ngatërrohen me poza artistike, në realitet ato janë piktura akrilike ose lapsi në letër.
Pamje nga afër dhe peizazhe
Ka pamje intensive nga afër dhe pamje të peizazheve të bukura. Por edhe detaje makinash apo çantash luksoze. Këto janë subjektet e portretizuara nga Johannes Wessmark, një piktor hiper-realist që ka fituar çmime të ndryshme ndërkombëtare falë veprave të tij të artit. Tipari themelor i të cilave është se me një shikim të shpejtë ato mund të duken si fotografi me definicion të lartë, e tillë është saktësia që artisti vendos në pikturat e tij. Të gjitha punimet e tij, të cilat mund të shihen edhe në profilin e Instagramit, në fakt mund të blihen në formate të ndryshme.
Kush është artisti?
I lindur në Suedi 60 vjet më parë, Johannes Wessmark pikturon me akrilik, vaj ose laps në letër dhe kanavacë. Punimet e tij janë ekspozuar në Londër në Galerinë Plus One dhe në Galerinë Divart në Mexico City. Ai merr pjesë në ekspozita të ndryshme, falë edhe popullaritetit të arritur në rrjetet sociale (ka mbi 50 mijë ndjekës vetëm në Instagram).
Portreti i Tyrann Mathieu
Tyrann Mathieu është një lojtar amerikan. Këtu ai duket se buzëqesh para objektivit të aparatit fotografik. Ai në fakt u portretizua nga Wessmark.
Blu
Janë të shumta subjektet e portretizuara nga piktori në det apo në pishinë, në një atmosferë pushimesh verore. Këtu, për shembull, shohim një zhytje në një pishinë.
Bukuria e natyrës
Në veprat e artistit suedez nuk ka vetëm subjekte njerëzore. Ka edhe shumë piktura natyraliste, si kjo në plazh. Vepra titullohej “Roja e plazhit”.
Portrete
“Olivia la beauté” është një pikturë në akrilik dhe vaj në pëlhurë. Por nëse e sheh në mënyrë sipërfaqësore, duket vërtet si një foto e bërë nga iPhone ose një aparat fotografik.
Shikime intensive
“Mendoj se nuk e kam shfaqur kurrë këtë pikturë të bërë vite më parë, por më pëlqen shumë”, ka shkruar artisti në llogarinë e tij në Instagram. Kjo quhet “Angela” dhe është në akrilik dhe laps në letër.
Il Pleasure Pier di Galveston
Kjo është “Il Pleasure Pier di Galveston”. Që nga nëntori 2022 është ekspozuar në Studio Experience Gallery.
Saktësia e portretit
Është mbresëlënëse të shohësh sesi në këtë pikturë detajet më të përpikta (si gjerdani dhe byzylyku i veshur nga modelja) janë kaq realiste. Vepra titullohet “Translucency”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
