.png)
Gazeta Si - Një 48-vjeçar ka humbur jetën në një aksident rrugor, ku shkak dyshohet të jetë bërë infarkti në zemër.
Ngjarja ka ndodhur rreth orës 12:10 në fshatin Karbunarë e Madhe të Lushnjës. Edi Llupo po pinte kafe në një lokal, kur sipas një dëshmitari ka ndjerë probleme me zemrën.
Ka marrë makinën dhe në rrugën e udhëtimit në aksin Lushnjë-Karbunarë ka qenë duke folur në telefon me një mik duke i thënë se ndjente dhimbje krahu dhe në zemër.
Me dhimbjen që po i shtohej dhe me telefonin hapur në bisedë, 48-vjeçari ka humbur kontrollin e makinës dhe është përplasur me një shtyllë elektrike në anë të rrugës.
Mjekët thanë se Edi Llupo erdhi me shenja jete në spitalin e Lushnjës, por pavarësisht përpjekjeve ishte e pamundur ta mbanin në jetë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
