.png)
Çfarë mendon, se do të ulemi në një cep e do të qajmë?
Në një vilë në Miami, një burrë po pinte një pije të sajuar ngjyrë rozë dhe po vëzhgonte një turmë me të rijnë me kapele e me pirsing në hundë. Ishte festa e fundit të 2022-shit dhe po festoja me një turmë kriptosh. Asnjëri nga ata nuk dukej i prekur nga shkatërrimi i njërës prej platformave më të mëdha në botë, FTX. Muzikë rap dëgjohej nga bokset. Një animator që krijonte NFT më pyeti për drogën time të preferuar.(Më kishin thënë se tregtuesit e NFT-së pëlqejnë drogërat psikodelike ndërsa ata të kriptomonedhave, kokainën.) Pashë një djalë që mbante të veshur një bluzë me logon e FTX, lëkura e bardhë e të cilit dhe kaçurrelat e errëta më kujtuan themeluesin e asaj platforme, Sam Bankman-Fried. “E mora në një nga orgjitë e Sam në Bahamas”, - tregoi ai.
Miami frekuentohet shpesh nga njerëzit e kriptomonedhave që shkojnë atje për konferenca dhe festa. Festave në fund të 2022-shit, u mungonte energjia që kishin festat kur kriptot po lulëzonin.
Klubet magjepsëse anembanë qytetit prisnin më kot një fluks skuillionerësh. Një specie e veçantë e investitorëve të kriptove që kishte qarkulluar në vitet e mëparshme, të palestruar, nuk u panë askund. Marrëveshja e të drejtave të emrit të FTX me arenën sportive lokale është duke u zbërthyer. Rënia e Scam Bankrun-Fraud, siç e kanë quajtur disa, është vetëm një nga seritë e fatkeqësive që kanë goditur industrinë gjatë vitit të kaluar, duke përfshirë një rënie katastrofike të çmimit të Bitcoin dhe shkatërrimin e disa kriptove të tjera. (Bankman-Fried është deklaruar i pafajshëm për akuzat e pastrimit të parave dhe komplotit për të kryer mashtrime.) Në një qytet ku marrëveshjet bëhen në orën 2 të mëngjesit në klubet e striptizimit, zhurma ka ikur nga Dom Perignon.
Por festa ku unë shkova ishte ccuditërisht me shumë jetë. Unë e gjeta në një grup Telegrami për lirinë e kriptomonedhave. Motoja ishte “Në kripto të gjithë ia dalin”.
Vendi përshkruhej në ftesë si një "rezidencë në Miami Beach" dhe ndryshe nga shumë të tjera në tokën e kriptove, ai rezultoi me bujë. Një vilë moderniste me dritare gjigante dhe një pishinë, ajo shikonte gjirin Biscayne. Brenda, një fotografi me kornizë të Pamela Anderson e shtrirë në një peshqir plazhi e varur në një mur. Megjithatë, edhe në mesin e këtyre argëtuesve unë zbulova një komunitet që punon në pesë fazat e pikëllimit.
Faza e parë, është mohimi. Dëgjova një sërë argumentash se pse gjërat nuk ishin aq keq sa duke. Dy burra po më thonin se e vërteta reale për FTX nuk kishte dalë ende. Dyshja besonte se politikanët demokratë u pajtuan me Bankman-Fried, një donator i madh i partisë së tyre, me qëllim që të sajonin një krizë me përmasa epike – kolapsin e FTX – që do të justifikonte rregullimin e industrisë së kriptove.
Disa njerëz të tjerë kishin avancuar nga mohimi tek zemërimi: shumë e shikonin Sam si antagonist e jo si viktimë.
Të tjerë e kishin kaluar zemërimin dhe ishin në fazën e tretë, tek pazaret. Më thonin se nëse industria do të ishte e rregulluar, skandali i FTX nuk do të kishte ndodhur.
Brian Smocovich, që e përshkruante veten e tij si një konsulent i blockchain, ishte në fazën e depresionit. “Ndihemi të tradhëtuar”, më tha.
Një burrë i vogël i veshur me syze me brirë dhe një këmishë me kopsa, ai e përshkroi veten si "shumë një kriptovangjelist" dhe foli për themeluesin e kriptomonedhës së tij të preferuar, Ethereum, me zellin që zakonisht rezervohet për udhëheqësit fetarë. Ai e krahasonte Sam me një apostull tradhtar. Themeluesi i FTX nuk e emocionoi kurrë Smocovich. Por ai e respektonte inteligjencën e tij. Smocovich pranoi se ai, si të tjerët në industri, injoroi "disa flamuj të kuq të qartë" sepse "ne donim që Bankman-Fried të ishte shumë i mirë. “Ai krijoi një produkt kaq të mrekullueshëm, bëri kaq shumë para. Ai nuk mund të jetë i keq, e dini?” Çdo ngjarje ka nevojë për heronj dhe çdo ngjarje merr heronjtë që meriton.
Do të duhet pak që njerëzit e kriptove të arrijnë fazën e fundit, pranimin. Më pak njerëz po shkojnë nëpër festa. Disa kanë humbur kursimet, po vuajnë ende. 1 mln njerëz humbën 8 mld dollarë vetëm në rrëzimin e FTX. ose thënë në gjuhë kriptomonedhash: jo të gjithë ia dalin në kripto.
Nga Charlie McCann, gazetar për ekonominë . Burimi: The Economist, përshtati:Gazeta ‘SI’
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
