.png)
Nga Gazeta 'Si'- Komuniteti ndërkombëtar ka reaguar me alarm pas sulmeve të Iranit ndaj Izraelit duke dënuar hapur Teheranin dhe duke kërkuar përmbajtje gjatë një momenti tensioni të madh në Lindjen e Mesme.
Kryeministri i Britanisë së Madhe, Rishi Sunak ka konfirmuar se kanë qenë avionët britanike që kanë rrëzuar dronët e Iranit, që sulmuan Izraelin mbrëmjen e kaluar.
Ai u shpreh se “Mbretëria e Bashkuar mori pjesë në një “përpjekje të koordinuar ndërkombëtare” për të kapur raketat dhe dronët e lëshuar nga Irani.
Sunak thotë se sulmi i Iranit ishte një “përshkallëzim i rrezikshëm dhe i panevojshëm, të cilin unë e kam dënuar me termat më të ashpër”.
Më tej Sunak shtoi se Mbretëria e Bashkuar do të punojë me aleatët e saj për të de-përshkallëzuar situatën.
Të njëjtën mbështetje shprehën edhe Shtetet e Bashkuara të Amerikës.
Presidenti i SHBA Joe Biden tha se SHBA “është e përkushtuar ndaj mbrojtjes së Izraelit”.
“Angazhimi ynë për sigurinë e Izraelit kundër kërcënimeve nga Irani dhe përfaqësuesit e tij është i hekurt”, tha Biden në një deklaratë.
Sulmin e dënoi ashpër edhe Bashkimi Europian.
BE dënon fuqishëm sulmin e papranueshëm iranian kundër Izraelit," tha kryediplomati i BE-së Josep Borrell në një postim në X.
The EU strongly condemns the unacceptable Iranian attack against Israel.
— Josep Borrell Fontelles (@JosepBorrellF) April 13, 2024
This is an unprecedented escalation and a grave threat to regional security.
"Ky është një përshkallëzim i paprecedentë dhe një kërcënim i rëndë për sigurinë rajonale."
Gjithashtu edhe sekretari i Përgjithshëm i OKB-së, António Guterres bëri thirrje për ndalimin e menjëhershëm të armiqësive në Lindjen e Mesme.
“U bëj thirrje të gjitha palëve të ushtrojnë përmbajtje maksimale për të shmangur çdo veprim që mund të çojë në konfrontime të mëdha ushtarake në fronte të shumta në Lindjen e Mesme”, tha Guterres në një seri postimesh në Twitter në X.
I strongly condemn the serious escalation represented by the large-scale attack launched on Israel by Iran.
— António Guterres (@antonioguterres) April 14, 2024
I call for an immediate cessation of these hostilities.
Neither the region nor the world can afford another war. https://t.co/Kmbt3zWMw7
"Unë kam theksuar vazhdimisht se as rajoni dhe as bota nuk mund të përballojnë një luftë tjetër."
Kina shprehu "shqetësim të thellë" për "përshkallëzimin aktual", sipas një zëdhënësi të Ministrisë së Punëve të Jashtme të saj të dielën, duke shtuar se ishte një "përhapje e konfliktit të Gazës" dhe një armëpushim duhet të zbatohet pa vonesë.
Pekini u bëri thirrje palëve përkatëse të ushtrojnë qetësi dhe përmbajtje për të parandaluar përshkallëzimin e mëtejshëm.
Ministria e Punëve të Jashtme saudite lëshoi një deklaratë duke shprehur shqetësimin e saj për "përshkallëzimin ushtarak" dhe duke u bërë thirrje "të gjitha palëve të ushtrojnë përmbajtjen maksimale dhe të kursejnë rajonin dhe popujt e tij nga rreziqet e luftës".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
