.png)
Gazeta Si - Gjykata e Vlorës ka liruar nga qelia policin e “Delta Force”, Lisjan Myrtaj, i cili pesë ditë më parë u përfshi në një konflikt me armë në qytetin bregdetar.
Në seancën e sotme, atij i është caktuar masa e sigurisë "Detyrim paraqitje".
Myrtaj pranoi plotësisht autorësinë e ngjarjes dhe paraqiti dinamikën e veprimeve duke theksuar se gjithçka e ka kryer për qëllime vetëmbrojtje dhe jo kriminale.
Ai u la në detyrim paraqitje, teksa nuk ka asnjë gjurmë nga djali i kryeplakuttë Kaninës, Juxhino Todi, me të cilin u përfshi në konflikt.
Myrtaj tha në dëshminë e tij se me 24 vjeçarin (djali i kryeplakut të Kaninës) kishin mbyllur problemet që kishte pasur më herët.
Grupi hetimor gjeti në vendngjarje 7 gëzhoja të pistoletës së policit. Pas të shtënave me armë, Juxhin Todi u largua nga vendngjarja, duke lënë në makinën e tij vajzën që e shoqëronte.
Policia e Vlorës ka shpallur në kërkim Juxhin Todin, që kishte ndërruar mbiemrin nga Aliraj në Todi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
