Gazeta Si- Një 30-vjeçar, i akuzuar nga Gjykata e Riminit për 3 vepra penale kundër personit dhe pronës, është kapur në Laç dhe u arrestua provizorisht, për t’u ekstraduar në Itali, pasi ishte shpallur në kërkim ndërkombëtar.
Policia thotë se në pranga ka rënë Donld Martrinajj, i lindur në fshatin Gurëz, Kurbin. Sipas policisë, 30 vjeçari është dënuar në Gusht të vitit të shkuar për “përndjekje”, “kanosje” dhe “shkatërrim prone”.
Mësohet se ai ka përndjekur ish-të dashurën, i ka djegur makinën me benzinë si dhe ka futur njerëz të tjerë për ta dhunuar fizikisht.
“Gjykata e Riminit, Itali, me vendimin e datës 25.08.2023, i ka caktuar këtij shtetasi, masën e sigurisë “Arrest në burg”, për veprat penale “Përndjekja”, “Kanosja” dhe “Shkatërrimi i pronës me zjarr”, pasi akuzohet se në muajin korrik, 2023, ka përndjekur ish të dashurën, i ka djegur me benzinë automjetin, si dhe ka organizuar shtetas të tjerë që kanë dhunuar këtë shtetase dhe partnerin e saj. Interpol Tirana dhe Interpol Roma po bashkëpunojnë për të kryer ekstradimin e këtij shtetasi”, njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
