.png)
Kisha Orthodhokse Autoqefale e Shqipërisë informoi të shtunën se gjendja e kryepeshkopit Anastas është e qëndrueshme.
Paralelisht u njoftua se edhe gjendja e Arqipeshkvit metropolit të Tiranë-Durrësit, imzot George Frendo paraqitej më e qëndrueshme.
“Kryepiskopi vazhdon me simptoma të lehta dhe merr urime të shumta për shërim të shpejtë. Gjendja shëndetësore e Kryepiskopit Anastas këto 4 ditë vazhdon të jetë me simptoma të lehta, e qëndrueshme dhe nën kontrollin e vazhdueshëm dhe të përkushtuar të mjekëve”, njofton Kisha Orthodhokse Autoqefale e Shqipërisë.
Ipeshkvi Ndihmës Imzot Arjan Dodaj tha se pati sot një video-telefonate me Arqipeshkvin Imzot George Frendo dhe shefin e repartit ku ndodhet i shtruar.
"Nga sot Imzot Frendo ka kaluar në një nga repartet normal të Covid. Situata shëndetësore e Imzot Frendos është shumë stabël dhe po mbahet nën monitorim për mushkëritë, e nevojshme që kjo terapi të stabilizohet për ta kthyer në mënyrë të shëndetshme nga prania e virusit. Situata është shumë e qetë.
Imzot Frendo është shprehur se mezi pres të kthehem në Arqidioqezë (Tiranë) për t’iu rikthyer jetës aktiviteteve dhe jetës baritore", tha Dodaj.
Ndërkohë të shtunën është nisur për një mjekim më të specializuar drejt Turqisë Myftiu i Shkodrës Muhamed Sytari i cili rezultoi pozitiv pak ditë më parë me Covid-19.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
