Balada “October rain” që këndohet nga Eden Golan do të përfaqësojë Izraelin në Eurovizion por një debat i madh është hapur pasi në tekstin e këngës përfshihen sulmet e Hamasit në 7 tetor të 2023 dhe ushtarët Izraelitë që u vranë. Sipas kritikëve, balada ka në përmbajtje të saj mesazhe politike çka bie ndesh me rregullat e konkursit.
"Nuk ka mbetur ajër për të marrë frymë / Nuk ka vend për mua” dhe “Ata ishin të gjithë fëmijë të mirë, secili prej tyre”, është një pjesë e tekstit që i referohet sulmit.
Kjo çështje shkoi aq larg sa edhe Presidenti i Izraelit Isaac Herzog ndërhyri duke kërkuar që të bëhen rregullimet e nevojshme për të siguruar që Izraeli të marrë pjesë në konkurs.
Presion ka patur edhe nga disa vende evropiane që kanë mbrojtur përjashtimin e Izraelit nga konkursi nëse do të paraqitet me këngën e “October Rain”.
Pas thirrjeve nga organizatorët e festivalit të Eurovizionit për të ndryshuar tekstin e këngës me të cilën Izraeli pritet të përfaqësohet, autoritetet në Tel Aviv kanë rënë dakord për ta rishikuar atë.
Eurovizioni, i cili këtë vit do të zhvillohet në 7-11 Maj në qytetin suedez të Malmos, është një ngjarje jopolitike dhe organizatorët mund të skualifikojnë garuesit që shkelin këtë rregull.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
