.png)
Një zetor është përmbysur gjatë një përpjekjeje për të kaluar një kanal vaditës, duke shkaktuar plagosjen e gjyshit, të nipit dhe të mbesës.
Aksidenti ka ndodhur në Çermë të Divjakës pasditen e kësaj të shtune. Mësohet se shtetasi Xh.A., ka qenë duke shkuar për të punuar tokat bujqësore, por ka pësuar një aksident.
Mjeti bujqësor, një zetor i vogël me rimorkio, është përmbysur dhe dy fëmijët e vegjël, 10 dhe 8 vjeç, janë zënë poshtë nga rimorkio.
Si pasojë e aksidentit, i moshuari dhe djali 8-vjeçar ka marrë dëmtime të lehta, ndërsa vajza 10 vjeçe ndodhet në gjendje më të rëndë. E mitura, pasi ka marrë ndihmën e parë në spitalin e Lushnjës, është nisur për mjekim të specializuar në Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
