Gjykata e Apelit e Milanos bëri të ditur arsyet e dënimit i cili në dhjetor konfirmoi dënimet me 9 vjet burg për Robinho dhe një mikun e tij, Ricardo Falco, për dhunë seksuale në grup kundër një vajze shqiptare, e cila në atë kohë, në 2013, ishte 23 vjeçare. Lojtari, i cili në atë kohë luante për Milan dhe “bashkëpunëtorët” e tij treguan “përbuzje të veçantë” për “viktimën që u poshtërua barbarisht”.
Gjykata pranoi kërkesën e zëvendës prokurorit të Milanos Cuno Tarfusser për konfirmimin e dënimeve. Prokurori i përgjithshëm i cili kishte çmontuar në ndërhyrjen e tij katër këshillat teknike të prodhuara nga mbrojtja e Robinhos. “Situata e ilustruar – shkruajnë gjyqtarët – demonstron pa dyshim, sipas mendimit të Gjykatës, gjendjen e pavetëdijës totale të personit të dëmtuar”. Përballë “kushteve të mira ekonomike” të Robinhos – shkruan Gjykata – ai nuk kishte ndërmend të bënte asnjë ofertë për kompensim, gjë që, edhe në perspektivën mbrojtëse të mungeses së perceptimit për mospajtimin, mund të kishte gjetur hapësirë”.
Sipas hetimeve, braziliani dhe 4 bashkëpunëtorët e tij, në mbrëmjen e 22 janarit 2013, e bënë vajzën të pinte deri në pikën që humbi ndjenjat dhe më pas e përdhunuan atë në një gardërobë të një klubi nate në Milano, ku e reja kishte shkuar për të festuar ditëlindjen. Hipoteza e akuzës konfirmohet gjithashtu nga seksioni i parë penal i apelit. Të dy u dënuan gjithashtu të paguanin 60 mijë euro bashkërisht për viktimën, ndërsa Robinho, i cili nuk u arrestua kurrë për këtë çështje, mbetet në Brazil në pritje të një dënimi përfundimtar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.