Burime për Gazetasi.al kanë konfirmuar se edhe pelikanët janë prekur nga gripi i shpendëve, pasi 3 prej tyre që u gjetën të ngordhur në Prespë, të cilët u dërguan për ekzaminim dhe rezultuan pozitiv.
Zyrtarisht nuk ka ende një njoftim.
Por 3 ditë më parë, Administrata rajonale e Zonave të Mbrojtura Korçë ka konstatuar rastet e para të 3 pelikanëve të ngordhur në pjesën Shqiptare të Liqenit të Prespës së vogël.
I kontaktuar nga Gazetasi.al, Iljon Thanasi, Drejtori i Administratës së Zonave të Mbrojtura në Korçë tha për Gazetasi.al se deri më tani nuk është gjetur asnjë pelikan tjetër i ngordhur.
Në fillim të marsit, Shoqata për ruajtjen e Prespës ka njoftuar se dy muajt e fundit është vënë re një shpërthim i gripit të shpendëve në koloninë e pelikanit kaçurrel në anën greke të Liqenit të Prespës së vogël ku u gjetën 600 pelikanë të ngordhur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.