Duke iu referuar Shërbimit Meteorologjik Ushtarak, Niko Peleshi ka njoftuar këtë të premte se në ditët në vijim do të ketë reshtje të dendura shiu.
Në një postim në mediat sociale, ministri i Mbrojtjes shkruan se nga reshjet nuk do të ketë përmbytje, por sërish bën thirrje që strukturat të jenë në gatishmëri
“Nga parashikimi i Shërbimit Meteorologjik në Shqipëri, gjatë javës në vazhdim në të gjithë vendin do të ketë reshje mesatare dhe të dendura. Reshjet që priten gjatë javës, konsiderohen normale dhe nuk paraqesin rrezik për përmbytje, megjithatë, strukturat e sistemit të mbrojtjes civile janë në gatishmëri për të menaxhuar çdo situatë të mundshme”, njofton ministri në rrjetet sociale.
Peleshi gjen rastin për t’u bërë thirrje të gjitha bashkive që të mbajnë në gatishmëri strukturat dhe kapacitetet e tyre për t’u ardhur në ndihmë qytetarëve.
Sipas ministrit kjo situatë do të vazhdojë deri më datë 12 tetor, kur do të kemi reshje të izoluara vetëm në dy qarqe, Dibër dhe Vlorë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.