Kryetari i degës së PD në Greqi, Fatmir Gjoci, publikoi një video ku shihen radhë të gjata emigrantësh shqiptarë në dyert e ambasadës shqiptare, për të aplikuar për pasaportë.
“Ja si i katandis qeveria e rilindjes, emigrantët shqiptarë në Greqi. Drejtpërdrejtë nga Ambasada Shqiptare ne Athinë.
Emigrantët presin në radhë të gjata, me fëmijë të vegjël, të ardhur nga ishuj dhe zona të tjera të Greqisë, për të aplikuar për pasaportë.
Në këtë kohë të vështirë pandemie, njerëzit torturohen dhe nuk marrin shërbimin më minimal të tyre, kjo është e pa tolerueshme.
I bëj thirrje Edi Ramës, të bëj rrugëzgjidhje të menjëhershme, të shtoj personel dhe t’ju shërbej qytetarëve në kohën dhe korrektësinë e duhur, pasi e ka kthyer Ambasadën në zyrat e Aleatit!”, komenton Gjoci duke publikuar edhe videon
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.