Nga Gazeta ‘Si’- Pas Kukësit edhe Beratit, Partia Demokratike kërkon zyrtarisht shpalljen të pavlefshme të zgjedhjeve në qarkun e Korçës.
Kërkesa është depozituar në Komisionin e Ankimeve dhe Sanksioneve.
Në dokumentin e dorëzuar në KAS, fillimisht përmendet përdorimi sistematik i administratës publike dhe strukturave shtetërore sipas PD, në funksion të interesave elektorale të PS.
Në dokument, sipas PD, thuhet se i gjithë aparati shtetëror u angazhua për të siguruar vetëm 36 vota të burgut të grave në Pojskë. Si pasojë, rezultati ishte 100 përqind në favor të PS-së.
Në dokumentin e PD citohet edhe raporti paraprak i OSBE/ODIHR që tha se qarku i Korçës ishte ndër rajonet që shfaqi problematika serioze në këto zgjedhje.
Dokumenti i ndërkombëtarëve nënvizonte se në Korçë pati pretendime për blerje votash dhe përfshirje të strukturave të patronazhistëve për të bërë presion mbi qytetarët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
