Oscar 2021, si do të jetë nata e yjeve mes emocioneve dhe show-t

Edhe katër ditë na ndajnë nga nata më e gjatë dhe më e pritur e vitit sa i përket kinematografisë: ajo e Oskarit. Por do të jetë një ceremoni e ndryshme nga ato të mëparshmet. Në këto orë, 9427 votuesit, të ndarë në kategori të ndryshme (aktorë, regjisorë, kinematografë, stilistë, redaktorë, producentë, skenografë, skenaristë, artistë make-up, parukierë, muzikantë, animatorë dhe operatorë) përfundojnë votimin. Dhe gjithçka ngelet janë zarfet e famshëm.

Një gjë është e sigurt: Brad Pitt do të jetë atje

Me të gjitha pasiguritë e këtij evenimenti, ajo që dihet për momentin në lidhje me ceremoninë e cila, për të tretin vit radhazi, nuk do të ketë një prezantues të vetëm, por do të shohë kolegët në skenë duke dorëzuar statujën për fituesit. Midis yjeve të konfirmuar janë Brad Pitt, Halle Berry, Reese Witherspoon, Renée Zellëeger, Joaquin Phoenix, Harrison Ford dhe Laura Dern. Prodhuesit e shfaqjes (transmetuar në SHBA në ABC) Jesse Collins, Stacey Sher dhe Steven Soderbergh shpjeguan se do të jetë një ceremoni “intime”, kandidatët dhe nga një i ftuar i tyre, që do t’u kërkojë fituesve të “tregojnë diçka personale dhe private”.

Një ceremoni “e maskuar”

Ceremonia do të zhvillohet në shumë vende. Ata që njoftohen zyrtarisht janë në Los Anxhelos, Union Station dhe Teatri Dolby edhe nëse sigurohet një lidhje nga Londra dhe Parisi.

Asnjë maskë për yjet dhe regjisorët. Lajmi u njoftua të hënën në mëngjes gjatë një takimi në Zoom me përfaqësuesit dhe të nominuarit e Akademisë. Për shkak se ceremonia - e cila do të zhvillohet në Union Station në qendër të Los Anxhelosit - trajtohet si një prodhim televiziv/film, maskat nuk janë të nevojshme për njerëzit përpara kamerës, shpjegoi një përfaqësues i Akademisë. Sidoqoftë, kur të ftuarit nuk janë para kamerës, atyre do t’u kërkohet të mbajnë maska, për shembull gjatë ndërhyrjeve publicitare.

Akademia ka zbuluar se prezenca e publikut do të jetë e kufizuar në 170 persona. Publiku do të hyjë dhe dalë nga ceremonia, duke u kthyer me radhë. Pas mbërritjes në Union Station, të pranishmit do të marrin një itinerar të personalizuar që do të përfshijë kohën e hyrjes dhe daljes.

Më parë, Steven Soderbergh kishte thënë se “maskat do të luajnë një rol themelor në historinë që kjo ceremoni dëshiron të tregojë. Nëse e shihni pak të fshehtë, kjo është sepse dëshiron të jetë, por dijeni që maskat do të jenë një temë kryesore e shfaqjes”.

Regjisori kishte shpjeguar se mbrëmja nuk do të jetë shfaqja klasike e çmimeve, përkundrazi “një udhëtim me të nominuarit për t’i njohur më mirë dhe njëkohësisht me ta të përjetojmë përvojën e të bërit film”.

Laura Pausini dhe këngëtaret e tjera

Ashtu siç parashikohet, Laura Pausini do të jetë në Los Anxhelos për të kënduar atë ‘Io si (Seen), kënga e shkruar nga Dianne Warren (gjithashtu e pranishme në shfaqje) tashmë fituese e Globit të Artë për filmin nga Edoardo Ponti, me Sophia Loren, “The life ahead”.

Kësaj kënge, Pausini nuk i dha vetëm zë: ajo është gjithashtu autore e tekstit në italisht, shkruar së bashku me Nicolò Agliardi. Pesë këngët e nominuara për këngën më të mirë do të interpretohen të gjitha gjatë një shfaqje që do të prezantojë dorëzimin e statujave, një risi që mban emrin e Oscar: Into the Spotlight.

Nëse shpresa italiane do të jetë në Los Anxhelos, ka nga ata që kanë mbetur në Islandë, domethënë kënga e Husavik “My Home Town”: The Story of Fire Saga kënduar nga Molly Sandén dhe Will Ferrell dhe do të interpretohet menjëherë nga porti i vogël islandez.

Pausini, Celeste dhe Daniel Pemberton, H.E.R. (për Fight For You nga Juda and the Black Mesiah) dhe Leslie Odom Jr, interpretues i jashtëzakonshëm i Sam Cooke në One Night në Miami do të këndojnë nga “Dolby Family Terrace”, muze kushtuar kinemasë.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.