.png)
Sekretari i Thesarit në SHBA, Scott Bessent, dhe Shërbimi i të Ardhurave të Brendshme (IRS) po shqyrtojnë mundësinë e heqjes së statusit të përjashtimit nga taksat për disa organizata jofitimprurëse të krahut të majtë, mes tyre Open Society Foundations të George Soros, Southern Poverty Law Center dhe Council on American-Islamic Relations (CAIR), sipas burimeve të The Post.
Nisma është pjesë e një fushate të administratës Trump kundër organizatave që dyshohet se abuzojnë me statusin e tyre tatimor. Zyrtarët e Thesarit po përgatisin auditime dhe shqyrtime që mund të çojnë në gjoba, taksa të prapambetura apo, në rastet më të rënda, humbjen e statusit 501(c)(3).
Fushata mbështetet në një urdhër ekzekutiv të firmosur nga Donald Trump në vitin 2025, që synon organizatat jofitimprurëse të dyshuara për veprimtari me “qëllim të konsiderueshëm të paligjshëm”.
Sipas burimeve, në listën e organizatave që mund të shqyrtohen janë edhe disa grupe aktiviste të lidhura me sindikatat dhe fushatat kundër korporatave.
Nisma ka shkaktuar kundërshtime ligjore. Organizata Protect Democracy ka paditur Thesarin dhe IRS-në, duke pretenduar se administrata po përdor kodin tatimor për të goditur kundërshtarët politikë.
Heqja e statusit 501(c)(3) është një proces i gjatë që mund të zgjasë me vite dhe përfshin auditime, ankesa administrative dhe beteja gjyqësore.
Nëse statusi do të hiqej, organizatat do t’i nënshtroheshin normës standarde prej 21% të taksës federale mbi fitimin e korporatave. Sipas një analize të The Post, vetëm tre organizatat kryesore të përmendura do të kishin paguar rreth 165 milionë dollarë taksa për vitin 2024.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje