Edhe pse protesta e ditës së sotme ishte njoftuar se do të mbahet në orën 14:00, nxënësit e gjimnazit “Partizani” në Tiranë raportohet se kanë bojkotuar mësimin, dhe kanë nisur protestën prej mëngjesit, në një zhvillim që vjen një ditë pas protestës së studentëve dhe të rinjve në kryeqytet.
Pas tubimit të zhvilluar të martën, i cili vijoi deri në orët e vona të mbrëmjes, nxënësit e këtij gjimnazi kanë ndërprerë procesin mësimor, sipas raportimeve.
Këtij tubimi i janë bashkuar gjithashtu edhe studentët e Universitetit të mjekësisë dhe Politeknikut, që kanë nisur marshimin drejt Ministrisë së Arsimit bashkë me studentë të tjerë dhe qytetarët.
As sot nuk kanë munguar hedhjet e sendeve drejt ndërtesës së Ministrisë dhe flakët e ndezura në rrugë.
Gjithashtu ka dhe përplasje mes protestuesve dhe efektivëve të policisë.
Në protestën qe ka zgjatur për më shumë se 9 orë ka pasur dhe djegie koshash e biznesesh në rrugën e Durrësit dhe tek “Piramida”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
.png)




Lini një Përgjigje