.png)
Gazeta Si – Tenisti serb mundi 7-6), 6-3 dhe 7-5 norvegjezin Kasper Rud në finale, duke triumfuar për herë të tretë në tokën franceze. ‘Nole’ kthehet numri 1 në botë dhe shkon në 23 Slam-e të fituar, duke u shkëputur nga Rafael Nadal. Është ai lojtari më fitues në histori në tenisin e meshkujve.
A Parisian trio 🏆🏆🏆#RolandGarros | @DjokerNole pic.twitter.com/GNG2f7Gujz
— Roland-Garros (@rolandgarros) June 11, 2023
Gjokoviç ka bërë të vetin trofeun e Roland Garros për hërë të tretë, i dyti në tre edicionet e fundit. Finalja ishte gjithmonë nën kontrollin e Gjokoviçit, që u imponua në setin e parë me një tie-break dhe pastaj gjithçka vazhdoi me ‘pilot automatik’.
Me këtë sukses në tokën e kuqe të Parisit, Novak Gjokoviç bëhet lojtari me më shumë turne Slam në tenis, në kuotën 23. Ai ka shkruar një tjetër faqe të historisë së tenisit në finalen e sotme.
A legendary moment ✨#RolandGarros @DjokerNole pic.twitter.com/IdT4LWqqjO
— Roland-Garros (@rolandgarros) June 11, 2023
Fitorja e Gjokoviçit nuk e fshin paraqitjen e mirë të Rud, me skandinavin që rezistoi për 90 minuta në setin e parë të një ndeshjeje që zgjati 3 orë e 13 minuta. Madje ishte norvegjezi që e nisi më mirë, por pastaj Gjokoviç tregoi se jo më kot është numri 1 në botë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
