.png)
Në pritje të rikuperimit të plotë dhe rikthimit në fushë, numri 1 i tenisit botëror, i është dedikuar agrikulturës. Novak Gjokoviç është bërë bujk për një ditë në vendin e tij, në Serbi. Tenisti që udhëheq renditjen aktuale ka publikuar në profilin e tij në Instagram foto, ku ai shfaqet duke mbledhur patate, duke i bërë fansat e tij kudo në botë të qeshin.
"Jam shumë i lumtur për këtë eksperiencë në Brzeçe, - shkruan Gjokoviç. – Këta njerëz janë shumë të sjellshëm, të sinqertë dhe punëtorë të mëdhenj. Jam sinqerisht shumë i lumtur që kam përjetuar sërish disa kujtime të fëmijërisë. Kam takuar njerëz që bëjnë pjesë në periudhën time të rritjes dhe që më kanë ndihmuar të bëhem tenist. U jam shumë mirënjohës dhe ndihem i privilegjuar që kam marrë patate gratis si çmim për punën time këtë ditë”.
Tenisi serb ka vuajtur kohët e fundit nga një dëmtim në shpatull, që e ka privuar nga aktivitetet zyrtare dhe ka përfituar nga koha e lirë për të kujtuar fëmijërinë e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
