Kompania finlandeze e kompanisë celulare Nokia ka ndryshuar për herë të parë pas 60 vitesh logon e saj ikonike.
Logoja e re ka 5 forma të ndryshme që formojnë fjalën Nokia.
Ngjyrë blu e logos së vjetër ikonike është ndryshuar, kjo për shkak edhe të ndryshimeve dhe ristrukturimit të kompanisë.
“Ajo logo ishte e lidhur me telefonat inteligjentë dhe ne sot jemi kompani në fushën e teknologjisë për bizneset”, tha shefi ekzekutiv Pekka Lundmark.
Nokia tashmë ka ndryshuar fokusin e saj, duke u shitur pajisje të telefonisë celulare biznesve që ofrojnë shërbime.
“Patëm një rritje me 21% vitin e kaluar”, theksoi Lundmark në një intervistë për Reuters, duke shprehur ambicien për dyfishimin e të ardhurave.
Firmat e mëdha të teknologjisë kanë qenë partnerë me prodhuesit e telefonave si Nokia për të shitur rrjete private të teknologjisë 5G.
“Ne duam që të bashkëpunojmë me biznese ku kemi të bëjmë me lidership botëror”, u shpreh shefi i Nokia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
