.png)
Gazeta Si – Nëse mendonit se arritja e kuotës së 18 golave dhe rrëzimi i legjendës Miroslav Klose ishte e vetmja mrekulli që Lionel Messi bëri ndaj Austrisë, e keni gabim.
Ndeshja e zhvilluar nuk ishte thjesht një fitore 2-0 për Argjentinën, por një “ekspozitë” e vërtetë e statistikave anormale që 38-vjeçari vulosi në historinë e Kampionateve Botërore.
Përtej rekordit absolut të golashënuesit më të mirë të të gjitha kohërave, ja statistikat e tjera të rralla që provojnë edhe një herë se “Pleshti” vjen nga një tjetër galaktikë.
Asnjë qenie tjetër njerëzore nuk e ka bërë këtë më parë. Me golin e parë ndaj Austrisë, Mesi konfirmohet si i vetmi lojtar në historinë e futbollit që arrin të shënojë në gjashtë edicione të ndryshme të Kupës së Botës. Ky është një tregues i pastër i një jetëgjatësie sportive që sfidon çdo logjikë dhe çdo kufi fizik.
Në moshën 38-vjeçare, kapiteni argjentinas bëhet lojtari më i vjetër që realizon dy gola brenda një ndeshjeje të vetme në një Kampionat Botëror. Ai vazhdon të mposhtë mbrojtës dhe portierë që mund të jenë thuajse sa gjysma e moshës së tij.
Me 18 gola të shënuar dhe asiste të panumërta të grumbulluara ndër vite, Messi ka lënë pas me një diferencë stratosferike emra si Pelé apo Gerd Müller. Përfshirja e tij direkte në golat e Argjentinës (gola plus asiste) ka arritur shifra që i bëjnë statistikat e legjendave të tjera të duken modeste.
Kylian Mbappé reaches 15 World Cup goals in just 16 games, faster than any player in 𝗵𝗶𝘀𝘁𝗼𝗿𝘆 ⚡️🇫🇷 pic.twitter.com/FqJNyn3xHu
— Prime Video Sport UK (@primevideosport) June 22, 2026
Pas paraqitjes së jashtëzakonshme të Lionel Mesit, përgjigjja nuk vonoi nga Kylian Mbappe. Sulmuesi francez realizoi një dopietë dhe udhëhoqi Francën drejt një fitoreje bindëse 3-0 ndaj Irakut në Kupën e Botës.
Ndeshja, e zhvilluar në Philadelphia, u ndërpre për më shumë se dy orë për shkak të një stuhie me rrufe, por kjo nuk e pengoi Francën të tregonte superioritetin e saj në fushë.
Mbappé zhbllokoi rezultatin në minutën e 14-të me një goditje të saktë nga distanca, pas asistimit të Michael Olise. Ylli francez realizoi edhe golin e dytë personal në minutën e 54-t, këtë herë pas një pasimi nga Ousmane Dembélé.
Vetë Dembélé vulosi suksesin e “Gjelave” në minutën e 66-të, duke shënuar golin e tretë dhe duke i dhënë fund çdo shprese të Irakut për një rikthim në lojë.
Me dy golat e shënuar ndaj Irakut, Mbappé ka arritur kuotën e 16 golave në historinë e Kupës së Botës, duke barazuar rekordin e Miroslav Klose në vendin e dytë të renditjes së golashënuesve më të mirë të këtij kompeticioni. Para tij qëndron vetëm Messi me 18 gola.
Norvegjia vazhdon paraqitjet mbresëlënëse në Kupën e Botës dhe pas fitores 4-0 ndaj Irakut në ndeshjen e parë, mposhti edhe Senegalin me rezultatin 3-2, duke siguruar matematikisht kalimin në fazën e 1/16-ve.
Sërish protagonisti kryesor ishte sulmuesi i njohur Erling Haaland, i cili realizoi dy gola dhe konfirmoi formën e tij të jashtëzakonshme pas dopietës së shënuar edhe në sfidën hapëse.
Me këtë sukses, Norvegjia regjistron fitoren e dytë radhazi dhe, ashtu si Franca, ngjitet në kuotën e gjashtë pikëve.
Vendin e parë në Grupin I do ta vendosë përballja direkte mes dy kombëtareve në ndeshjen e fundit të grupit. Ndërkohë, Senegali mbetet pa pikë, njësoj si Iraku, duke vështirësuar ndjeshëm shanset për kualifikim.
Algjeria ka mbajtur gjallë shpresat për kualifikim në Kupën e Botës falë fitores 2-1 me përmbysje ndaj Jordanisë në një ndeshje të Grupit J, e zhvilluar në San Francisco.
Skuadra e drejtuar nga Vladimir Petković e nisi sfidën në vështirësi dhe u ndëshkua në minutën e 36-të, kur Jordania kaloi në avantazh me golin e Al Rashdan, pas një asistimi të saktë nga Mousa Al-Tamari.
Në pjesën e dytë, Algjeria reagoi dhe mori kontrollin e lojës. Barazimi erdhi në minutën e 68-të falë golit të Benboualit, ndërsa përmbysja u kompletua në minutën e 82-të nga Amine Gouiri, i cili vulosi fitoren 2-1 për kombëtaren algjeriane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje