.png)
Nga Gazeta 'Si'- Pas mbylljes së përkohshme të ambasadës amerikane në Kiev edhe Spanja ka njoftuar se do të mbyllë ambasadën e saj për shkak të një “sulmi të mundshëm të madh ajror” në kryeqytet.
Ambasada spanjolle njoftoi se nuk do të ofrojë shërbime gjatë ditës për shkak të “rritjes së rrezikut të sulmeve ajrore në të gjithë Ukrainën”, raporton agjencia e lajmeve Efe.
Mediat raportojnë se në një email të dërguar rezidentëve spanjollë në vend, ambasada rekomandon që ata “të marrin masa ekstreme sigurie, të ndjekin të gjitha rekomandimet e autoriteteve lokale dhe të jenë gjithmonë të informuar për vendndodhjen e strehimoreve”.
Ky njoftim vjen një ditë pasi Ukraina i përdori raketat amerikane me rreze të gjatë, ATACMS, për të kryer sulme në tokën ruse, duke e shfrytëzuar lejen që administrata në largim e presidentit amerikan, Joe Biden, ia tha në ditën e 1.000-të të luftës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
