Gazeta Si - Një 'shtëpi bari' është zbuluar pranë Tiranës, në Kodër Vorë, ndërsa ka rënë në pranga një 33-vjeçar banues në Peqin.
Sipas burimeve F.B., 33 vjeç kishte përshtatur një banesë të marrë me qira në një 'shtëpi bari'.
Po ashtu u procedua shtetasi A.Gj, pasi ishte në dijeni të këtij aktiviteti kriminal dhe nuk ka kallëzuar krimin.
Nën hetim është vënë edhe punonjësja e OSHEE-së, Sh.D., 55 vjeçe, e cila nuk ka konstatuar lidhjen e paligjshme të energjisë elektrike në këtë banesë.
Gjatë zhvillimit të operacionit, janë gjetur dhe sekuestruar ventilatorë, platforma për shpërndarjen e rrymës elektrike, vazo të ndryshme, peshore elektronike dhe pajisje të tjera që shërbejnë për kultivimin e bimëve narkotike, një sasi lënde e dyshuar narkotike e llojit kanabis dhe dy aparate celulare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.