.png)
Shkollat nuk luajnë rol të madh në përhapjen e Covid-19. Studimet e fundit në Gjermani dhe Norvegji, si dhe dy rishikime që përqendrohen në arsimin global, tregojnë që mbyllja e shkollës do të rrezikonte që më shumë nxënës të mbeteshin prapa dhe të kufizonin prindërit për t'u kthyer në punë.
"Mësimi normal duhet të vazhdoj sa më gjatë që të jetë e mundur", tha ministrja e Gjermanisë, Franziska Giffey, javën e kaluar, duke mirëpritur një studim që tregoi se fëmijët nuk janë burime të infeksionit".
Hulumtimi vjen në një kohë kur drejtuesit po përpiqen të përballojnë presionet e shkaktuara nga karantinimi i personelit dhe studentëve të infektuar, gjithashtu dhe rasteve të dyshuara. Shifrat zyrtare të martën treguan se 46 përqind e shkollave të mesme angleze kishin të paktën një nxënës të izoluar për shkak të kontaktit të mundshëm me një rast të koronavirusit në klasë. Studimet gjermane përfshijnë një analizë të botuar javën e kaluar nga Instituti i Ekonomisë së Punës (ILE) në Bon që zbuloi se numri i rasteve të reja në vend nuk ishte rritur kur shkollat u rihapën, por pas pushimeve të verës. Ingo Isphording, Marc Lipfert dhe Nico Pestel, autorët e raportit, zbuluan se numri i rasteve të konfirmuara rishtazi u zvogëlua gradualisht në shtetet gjermane që rihapën shkollat, krahasuar me ato që nuk i hapën.
"Ky rezultat sigurisht që është në kundërshtim me pritjet tona", tha Z. Isphording.
Gjermania ka parë një rritje të madhe të infeksioneve të reja në javët e fundit, por një sondazh i ministrive të arsimit në 16 shtetet e Gjermanisë, arriti në përfundimin se nuk kishte prova që shkollat ishin burim infektimi. Studimi zbuloi se që kur shkollat ishin rihapur, vetëm 0,04 përqind e nxënësve ishin infektuar në shtetin e Nordrhein-Westfalen ose 853 nga rreth 2 milion nxënës. Schleswig-Holstein dhe Bavaria gjithashtu kishin një normë prej 0,04 përqind, ndërsa ajo e Berlinit ishte pak më e lartë në 0,07 përqind. Një studim norvegjez zbuloi se shumica e rasteve të raportuara në shkolla kanë ndodhur në mes të nxënësve të infektuar në shtëpi. Studiuesit ia atribuan nivelet e ulëta të infeksionit në shkollat gjermane të anketuara masave të rrepta të higjienës, përfshirë mbajtjen e maskës, mësimin në grupe të vogla dhe testimin e shpejtë, e karantinimin e klasave, ku një student ose mësues kishte rezultuar pozitiv.
Instituti Kombëtar i Shëndetit Publik të Norvegjisë tha se midis qershorit dhe tetorit, një analizë e burimit të infeksioneve tregoi se shumica e rasteve të raportuara në shkollat e saj ndodhën midis nxënësve të infektuar nga të rriturit në familjet e tyre sesa të tjerët në shkollë. Një vlerësim i hulumtimit të botuar mbi infeksonet nga Covid-19 në shkollë në të gjithë botën nga akademikët në Universitetin Edinburg këtë muaj, i cili nuk është rishikuar nga kolegët, tha se cilësia e provave mbetet e dobët, por që nivelet e infeksionit në shkolla ishin të ulëta në përgjithësi dhe më të ulëta mes nxënësve sesa stafit. Gjetjet pasqyrojnë dy studime të kryera nga Organizata Botërore e Shëndetësisë dhe Qendra Evropiane për Parandalimin dhe Kontrollin e Sëmundjeve, të cilat arritën në përfundimin se shumica e fëmijëve nuk zhvillojnë simptoma dhe ka pak mundësi të transmetimit në shkollë. Sidoqoftë, studimet nxjerrin në pah vështirësinë e identifikimit të mekanizmave të saktë të transmetimit për Sars-Cov-2. Gwen Knight, një profesor në Shkollën e Higjienës dhe Mjekësisë Tropikale në Londër, e cila është duke përpiluar një bazë të dhënash të raporteve të infektimeve "mbizotëruese" në të gjithë botën, tha se ajo deri më tani kishte identifikuar relativisht pak incidente brenda mjediseve arsimore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
