.png)
Një 24-vjeçar, me iniciale K.M., është vënë nën hetim, pasi me një mjet tip “Porsche”, ka tentuar të korruptojë me 1 mijë lekë punonjësit e Policisë Rrugore për të mos bërë testin e alkoolit me drager. Ndaj tij rëndon akuza për veprën penale "Korrupsioni aktiv i personave që ushtrojnë funksione publike".
“Kërkohet informacioni i mjetit dhe jo këto që jepni ju, në rregull?” iu drejtua polici, ndërsa i riu në momentin që tentativa dështoi, u tërhoq dhe i tha: “Më fal shef, më fal”. Për këtë gjë i riu do të procedohet në gjendje të lirë nga policia dhe është gjobitur.
Njëkohësisht gjatë kontrolleve, duke përdorur dragerat në rrugët e kryeqytetit dhe në rrugët interurbane që lidhen me kryeqytetin, policia ka arrestuar në flagrancë 6 shoferë që drejtonin mjetet në gjendje të dehur, konkretisht shtetasit:
K.S., 27 vjeç; L.M., 58 vjeç; S.S., 30 vjeç; F.P., 32 vjeç; V.R., 24 vjeç dhe E.Xh., 31 vjeç.
Si dhe u proceduan penalisht për drejtim mjeti dhe motomjeti pa leje drejtimi 4 persona. Gjithashtu janë pezulluar 12 leje drejtimi për drejtim mjeti nën efektin e alkoolit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
