.png)
Gazeta Si – Falë një gjurmë gishti të marrë nga një foto, karabinierët e Firences, shkatërruan tre organizata të dyshuara të përfshira në trafikun e drogës midis Italisë, Shqipërisë dhe Zvicrës.
Në mëngjesin e të mërkurës, 14 shtator, u kryen arrestime dhe kontrolle. Dymbëdhjetë persona, përfshirë tre italianë (një nga Firence) dhe të tjerët shqiptarë, u arrestuan nën masa paraprake në burg në Firence, Massa, Avellino, Teramo, Varese, Shqipëri dhe Zvicër, me akuzën e grupit kriminal me qëllim trafikimin ndërkombëtar të drogës.
Njëzet persona të tjerë, shqiptarë dhe italianë, janë nën hetim për posedim me qëllim shitjeje.
Gjatë hetimit, i cili filloi në vitin 2020, u sekuestruan 2 kilogramë kokainë, 22 kilogramë marijuanë dhe 500 gramë hashash.
Hetimi, i udhëhequr nga prokurori Leopoldo De Gregorio, u nxit nga një foto.
E kaluar nga një bisedë në tjetrën, ajo tregonte një dorë që mbante një dozë kokaine, e ndjekur nga komenti: “Droga është me cilësi të shkëlqyer”.
Fotografia u kap nga karabinierët. Hetuesit italianë morën një gjurmë gishtash dhe e gjurmuan atë te një person nga Firence, i cili u burgos sot për shkak se ishte kreu i njërës prej tre organizatave të trafikimit të drogës.
Një bandë, e përbërë ekskluzivisht nga shqiptarë, besohet se ka qenë e përfshirë në importimin e kokainës nga Holanda në Itali.
Një tjetër besohet se ka eksportuar hashash dhe marijuanë nga Firence në kantonin e Zyrihut në Zvicër.
Një grup i tretë, një degë e të parit dhe i organizuar nga një grua shqiptare, dyshohet se ka importuar hashash nga Zvicra në Itali.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
