.png)
Gazeta Si - Një anije tregtare me flamur shqiptar është përplasur me shkëmbinjtë në zonën e Ksamilit, ndërsa po lundronte nga Shëngjini në drejtim të portit turk të Herekes.
Sipas "Top Channel", nuk dihen ende shkaqet e këtij aksidenti detar, ndërsa anija tregtare “Bergfjord” që u përfshi në të, është tërhequr në portin e Limjonit në Sarandë për t’iu nënshtruar ndërhyrjeve për t’u rikthyer sërish në lundrim.
Paraprakisht deklarohet se anija është e ngarkuar me afro 1.200 ton skrap. Anija e ndërtuar në vitin 1991 pritej të mbërrinte në Hereke të Turqisë më 25 shkurt. Autoritetet detare pritet të hetojnë dhe hedhin dritë mbi shkaqet e këtij aksidenti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
