.png)
Nga Gazeta Si - Përmes një postimi në faqen zyrtare, Ambasada Amerikane njoftoi se duke filluar nga data 4 tetor, ora 12:00, nisën aplikimet për Lotarinë Amerikane. Aplikimet do të mbyllen të martën, 7 nëntor, 2023 në orën 12:00.
Krahas njoftimit për nisjen e aplikimeve për Lotarinë Amerikane, Ambasada u bën thirrje të gjithë shtetasve shqiptarë që të bëjnë kujdes nga mashtrimet.
“Disa faqe interneti dhe email-e përpiqen të mashtrojnë, duke u paraqitur si persona që ofrojnë informacione zyrtare nga SHBA”, shkruhet në njoftimin e Ambasadës.
dvprogram.state.gov është mënyra e vetme për të dorëzuar aplikimin, që është i lehtë dhe falas.
“Sigurohuni të lexoni udhëzimet e programit dhe udhëzuesin për mashtrimet në: travel.state.gov/dv”.
Gjithashtu, një nga rregullat që përmend Ambasada është se individët që paraqesin më shumë se një aplikim, skualifikohen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
