.png)
Studentët në këtë fillimviti kanë gjetur një formë tjetër proteste, atë të ngujimit nëpër fakultete.
Studentët e Fakultetit Ekonomik edhe mbrëmë e kanë gdhirë në mjediset e brendshme të fakultetit, duke sfiduar edhe temperaturat shumë të ulëta.
Mësohet se gjatë natës në fakultet e kanë gdhirë rreth 50 studentë.
Ata theksojnë faktin që nuk janë partiakë, pasi kanë si qëllim të vetëm arsimin cilësor dhe të drejtat legjitime. Sipas tyre, bojkoti i mësimit do të vazhdojë deri në plotësimin tashmë të 9 kërkesave të tyre.
Lidhur me vendimin se çfarë do të bëjnë më vonë, studentët janë shprehur që do bëjnë një mbledhje në orën 18:00 për të vendosur për mënyrën si do të vijohet.
Po ashtu, ditën e sotme ata u kanë nisur një letër qytetarëve dhe shoqërisë shqiptare, ku kërkojnë që të mos pengohen në protestën e tyre.
Ndërkohë, te Fakulteti i Inxhinierisë së Ndërtimit dhe te Fakulteti i Arkitekturës studentët thonë që kanë dhënë urdhër të mos hyjë njeri.
Studentët që kanë qenë brenda gjithë natën, pasi kanë dalë nuk janë lejuar të futen përsëri në ambientet e fakulteteve. Nuk lejohet asnjë lloj kontakti me ata që janë brenda.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
