Nga sezoni i tretë i “True Detective” te “Chernobyl”, serialet më të mira televizive të 2019-s

Prej disa vitesh, tregu i serialeve televizive po rritet gjithnjë e më shumë si në cilësinë e produkteve, ashtu edhe në shumëllojshmërinë e ofertës. Edhe gjysma e parë e vitit 2019 nuk bëri përjashtim, një vit që na dha shumë seriale, të cilat na gozhduan pas ekranit të vogël.
Mund të themi që ishte një fillim viti i mirë sezoni i tretë i “True Detective”, mbase pak a shumë i ngjashëm me sezonin e parë, por gjithsesi i aftë për të na gozhduar dhe magjepsur, falë edhe performancës së jashtëzakonshme të Mahershala Aliut në rolin e protagonistit.

Pa dyshim, ethet e serialeve televizive u rritën me sezonin e tetë të “Game of Thrones”, të krijuar nga David Benioff dhe D.B. Weiss, transmetuar në mes të prillit dhe majit në ‘Sky Atlantik’, me ngritje nga këndvështrimi narrativ.
Më tej, në një distancë të vogël kohore vijnë sezonet e treta të serialeve “The Paper House” dhe “Strangers Things”, të dyja të lançuara në korrik, edhe pse deri tani kemi ndjesinë se pjesa më e madhe e ideve origjinale të këtyre produkteve janë ezauruar me episodet e mëparshme.

I njëjti koment mund të vlejë edhe për “Mirror Black”, i cili arriti sezonin e tij të pestë, por kryeveprat e dy viteve të para duket se janë të papërsëritshme.
Ndërkohë ka edhe seriale që janë rritur artistikisht në sezonin e dytë si pwr shembull serialet fantastiko-shkencore “OA” nga Brit Marling (autorja dhe aktorja kryesore) dhe Zal Batmanglij dhe “Fleabag”, një tragjikomedi femërore e parezistueshme e krijuar nga Phoebe Waller-Bridge.
Audiencë të madhe pati edhe “Big Little Lies”, marrë nga romani me të njëjtin emër nga Liane Moriarty, serial të cilit në sezonin e dytë iu shtua edhe Meryl Streep, aktorja më e mirë e gjeneratës së saj. Seriali u pasurua edhe me aktoret mbresëlënëse: Reese Witherspoon , Laura Dern, Shailene Woodley dhe Nicole Kidman.
Ndër serialet që ka kulmuar si një surprizë e vërtetë vlen të theksohet “Russian Doll” me tetë episode (të konceptuara nga Natasha Lyonne, Amy Poehler dhe Leslye Headland) përqendruar në një grua që përfundon në një lak misterioz kohor.
Një pritje që ia ka vlejtur dhe një performancë e mirë po ashtu është “Good Omens”, një miniserial i frymëzuar nga romani nga Terry Pratchett dhe Neil Gaiman, ku interpretojnë David Tennant, Michael Sheen dhe Frances McDormand.

Pa dyshim magjepsës është edhe “Too Old To Die Young”, seriali me regji nga Nicolas Winding Refn. Regjisori i famshëm danez ka lançuar dhjetë episode me stilin e tij abstrakt dhe magnetik në të njëjtën kohë.

Një vlerësim i veçantë shkon edhe për dy produkte të frymëzuara nga histori të vërteta: i pari është “When They See Us” nga Ava DuVernay, mbi agresionin dhe përdhunimin e një gruaje në ‘Central Park’ në 1989; i dyti është “Chernobyl”, një minierë e përqendruar në katastrofën që ndodhi në vitin 1986, e cila ka marrë një vëmendje të madhe mediatike vitet e fundit. Këto dy seriale tregojnë potencialin e plotë të mediumit televiziv dhe konfirmojnë se sa shumë mund të krijohet ende në këtë fushë.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.