Netanjahu shkon në Gaza dhe premton: 5 milionë dollarë për çdo peng të liruar

Gazeta Si - Në ditën e 411 të luftës mes Izraelit dhe Hamasit, kryeministri izraelit udhëtoi në Gaza së bashku me ministra të tjerë për herë të parë që nga fillimi i konfliktit.

Në plazhin e Gazës, Netanjahu tha se "Hamasi nuk do të qeverisë më këtu". Ai premtoi "Pesë milionë dollarë për këdo që dorëzon një peng izraelit". Netanjahu premtoi gjithashtu se personi që do të kthejë pengun dhe familjen e tij do t'i jepet mundësia për të dalë e sigurt nga Rripi i Gazës.

Që nga fillimi i luftës, Netanjahu gjithmonë ka bërë thirrje për lirimin e të gjithë pengjeve të rrëmbyer nga Hamasi në sulmin ndaj Izraelit më 7 tetor 2023.

Megjithatë, për muaj të tërë, familjet e pengjeve e kanë akuzuar atë se nuk ka bërë sa duhet për të arritur ky objektiv, duke argumentuar se preferon të vazhdojë luftën për të mos rrëzuar qeverinë e tij, e cila është më e djathta në historinë e Izraelit dhe që mbështetet nga partitë ekstremiste që kundërshtojnë një marrëveshje armëpushimi.

Ndërkohë, paqeruajtësit e UNIFIL u sulmuan përsëri në Libanin jugor në tre incidente të veçanta, me katër paqeruajtës ganezë të plagosur.

Këtë herë, megjithatë, nuk ishin trupat izraelite që goditën, por raketat e Hezbollahut: tetë bomba goditën selinë e kontingjentit italian dhe sektorin perëndimor të Unifil në Shama, duke rënë në disa zona të hapura. Pesë ushtarë italianë u dërguan në infermieri, por gjendja e tyre nuk shkakton shqetësim.

Misioni i OKB-së deklaroi se lëshimet ndoshta i atribuoheshin "aktorëve joshtetërorë", d.m.th., organizatës pro-iraniane.

Burimet italiane të mbrojtjes kanë bërë të ditur se raketat që kanë rënë në bazë janë lëshuar nga Hezbollah, siç zbuloi skuadra e bombave duke vërtetuar origjinën e predhave që i atribuoheshin gabimisht më parë Izraelit.

Ministri i Jashtëm italian, Tajani, tha: “Është e papranueshme që njerëzit të qëllojnë ndaj kontingjentit të Unifilit”.

I dërguari i posaçëm i SHBA Hochstein është në Liban për bisedime armëpushimi me autoritetet në Bejrut. Sipas mediave izraelite, Libani dhe Hezbollahu kanë pranuar propozimin e armëpushimit të SHBA-së.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.