.png)
Policia e Vlorës ka vënë në pranga një 32-vjeçar, pasi nën kërcënimin e armës ka grabitur një firmë ndërtimi në fshatin Dukat i Ri, në Vlorë.
Policia thotë se u vu në pranga shtetasi S. C., 32 vjeç, banues në Fier.
32-vjeçari rezultonte me precedent të mëparshëm penal në fushën e vjedhjes.
Sipas policisë, nga hetimet ka rezultuar se 32-vjeçari në bashkëpunim me një shtetas tjetër, në orët e para të mëngjesit të djeshëm, të maskuar dhe duke kërcënuar me një arme zjarri kallashnikov, kanë marrë një shumë parash, në zyrën e një firme private ndërtimi, në fshatin Dukat i Ri dhe më pas janë larguar me automjet.
Ndërkohë vijon puna për identifikimin dhe kapjen e bashkëpunëtorit.
Në cilësinë e provës materiale janë sekuestruar automjeti që dyshohet se është përdorur gjatë kryerjes së këtij krimi, si dhe një celular.
Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
