Gazeta Si - Një shofer i cili rezultoi se ishte duke qarkulluar me automjet nën efektin e lëndëve narkotike, është arrestuar në Lezhë.
Njoftohet se 34-vjeçari A.V., është kapur duke pozicionuar automjetin në mënyrë të parregullt në rrugë. Gjatë kontrollit doli se ai nuk kishte asnjë dokumentacion për mjetin.
Në këto kushte, A.V. është shoqëruar, së bashku me automjetin e tij, në ambientet e Komisariatit të Policisë Lezhë, për veprime të mëtejshme procedurale.
Pas testit me aparatin “AquilaScan”, 34-vjeçari ishte nën efektin e lëndëve narkotike.
Gjithashtu, shoferit iu pezullua leja e drejtimit për 12 muaj, iu zbritën 10 pikë nga leja e drejtimit, si dhe iu vendos masa administrative 15.000 lekë të rinj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.