Në SHBA koronavirusi po infekton më së shumti të rinjtë

Zyrtarët në të gjithë Shtetet e Bashkuara po paralajmërojnë një rritje tronditëse të të rinjve që po testojnë pozitiv me koronavirus, duke ngritur alarmin se ata nuk janë aq imunë sa mendohej.

Ky fenomen është regjistruar në pjesë të Floridës, Karolinës së Jugut, Xhorxhias, Teksasit dhe shteteve të tjera, shumë prej të cilave ishin disa nga të parat që u rihapën.

Dhe ndërsa disa zyrtarë kanë fajësuar rritjen e numrit të testimeve, të tjerë thonë se rastet e reja janë rritur si pasojë e amerikanëve që nuk respektojnë distancën sociale.

Megjithë paralajmërimet e rrepta nga ekspertë në të gjithë SHBA-në, qindra persona u mblodhën të shtunën në Tulsa, Oklahoma, për tubimin e parë të fushatës zgjedhore të Presidentit Donald Trump që nga fillimi i pandemisë.

Deri më tani, SHBA ka regjistruar më shumë se 2.2 milion raste dhe të paktën 119.719 viktima, sipas Universitetit Johns Hopkins.

Në Florida, guvernatori Ron DeSantis tha se rastet e reja po "zhvendosen në një drejtim radikal" drejt të rinjve nga 20 deri në 30 vjeç. “Ata që po testojnë pozitivë janë kryesisht asimptomatike dhe nuk kërkojnë trajtime mjekësore”, tha guvernatori.

“Ne po shohim një rritje të frikshme të të rinjve që po rezultojnë të infektuar gjatë javës së fundit, "tha DeSantis. Kjo rritje e të infektuarve tha ai, vjen pasi shumë njerëz po kthehen në punë.

Ekspertët kanë ngritur alarmin në lidhje me rritjen e të infektuarve në Florida, duke thënë se shteti amerikan mund të bëhet epiqendra e ardhshme e koronavirusit. Të Sshtunën, Florida raportoi 4,049 raste të reja në një ditë të vetme.

Po ashtu në Karolinën e Jugut, zyrtarët shëndetësorë thanë të premten se të rinjtë nën moshën 30 vjeç po testojnë gjithnjë e më shumë pozitiv me koronavirus, rreth 18% e rasteve të përgjithshme të shtetit amerikan janë nga pacientë midis moshës 21 dhe 30 vjeç.

"Rastet e reja që ne po shohim shërbejnë si paralajmërim se të rinjtë dhe të rinjtë nuk janë imun ndaj Covid-19", tha Dr. Robert Jansen stacion.

Dhe spitali më i madh i Xhorxhias raportoi gjithashtu se kishte një rritje të pacientëve nga 20 deri në 30 vjeç.

"Është një tendence shqetësuese dhe ajo që më frikëson nuk është vetëm se ata janë më të rinj, potenciali i tyre që infektojnë njerëzit e tjerë, veçanërisht prindërit dhe gjyshërit," tha Jansen.

"Mosha mesatare e rasteve të reja javën e kaluar ishin 30 vjeç ndërdsa, mosha mesatare e personave që u testuan ishte 47," tha ai.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.