Sekretarja e Përgjithshme e Ministrisë së Shëndetësisë, Gelardina Prodani, gjatë diskutimit të 2 Akteve Normative në Komisionin parlamentar të Punës, Çështjeve Sociale dhe Shëndetësisë, është shprehur se në muajin prill pritet të mbërrijnë 140 mijë vaksina të kompanisë AstraZeneca, si pjesë e mekanizmit COVAX.
Prodani ka shpjeguar dhe dy Aktet Normative, të cilat synojnë përshpejtimin e ardhjes së vaksinave të Covid-19 në Shqipëri, duke përmbushur planin e parashikuar nga autoritetet shëndetësore për vaksinimin e 2.2 milionë qytetarëve në 14 muaj.
Akti i dytë Normativ i cili parashikon autorizimin e Ministrit të Shëndetësisë dhe Ministrit të Shtetit për Rindërtimin për zhvillimin e negociatave me prodhuesit, me distributorë të autorizuar, me qeveritë ose institucionet e autorizuara prej tyre, të vendeve që prodhojnë vaksina për të siguruar këto vaksina të certifikuara.
Gjithashtu në aktin e dytë përshkruhet përdorimi në vendin tonë edhe të vaksinave të tjera, përveç atyre që janë autorizuar nga EMA dhe FDA.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.