.png)
Gazeta Si- Për 3 orë e 30 minuta biznesmeni Elman Abule ka dhënë shpjegime në SPAK këtë të mërkurë si person nën hetim për kryerjen e veprës penale “pastrim parash”.
I shoqëruar nga avokatja Romina Zano, biznesmeni dha shpjegime mbi marrëdhëniet e tij me kryebashkiakun e Tiranës, Erjon Veliaj, bashkëshorten e këtij të fundit, Ajola Xoxa dhe për subjektin e tij tregtar.
Sqarimet e tij biznesmeni i bëri para agjentëve të BKH, ndërsa më vonë u pyet nga prokurori Ols Dado.
Organi akuzues i përqendroi pyetjet tek veprimtaria e shoqërisë Remetal, konkretisht te transaksionet bankare si dhe te bashkëpunimi me konsulencën e Xoxës.
Biznesmeni Abule u lirua nga qelia pak ditë më parë nga Apeli i Posaçëm, teksa aktualisht ndodhet në masën e sigurisë “arrest në shtëpi”.
Pak ditë më parë, Apeli i GJKKO, la Erion Veliajn në masën e sigurisë “arrest në burg”, ndërsa bashkëshortja e tij, Ajola Xoxa, në “detyrim paraqitje”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
