Gazeta Si – Lulzim Spahia, 27 vjeç nga Lushnja, është arrestuar këtë të mërkurë i shpallur në kërkim për vrasjen e Fridman Xhaferraj në qershor të vitit të shkuar.
Trupi i tij u gjet i hedhur në rezervuar disa ditë më pas, ku autorët e dyshuar Kristi Bixheku dhe Lulzim Spahia kishin tentuar të fshihnin gjurmët.
Policia thotë se Spahia mbante në makinë edhe një sasi kanabisi të gjetur pas kontrollit.
Fridman Xhaferraj u gjet i mbytur më 13 qershor 2021 në rezervuarin e Gjançit nga një banor i zonës.
Në trupin e 25-vjeçarit ishin konstatuar shenja dhune në trup dhe në kokë, madje ai u gjet me duar të lidhura, çka tregon se para vrasjes, ndaj tij është ushtruar dhunë fizike.
Xhaferraj dyshohet se u vra në Korçë dhe më pas u hodh në rezervuar, ndërsa shkak i vrasjes dyshohet të jetë prishja e pazareve të drogës.
Policia më parë kishte arrestuar Bixhekun dhe shpallur në kërkim ndërkombëtar Spahijan si bashkëpunëtor në vrasje. Materialet i kaluan Prokurorisë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
