Një 40-vjeçar i shpallur në kërkim në Itali si pjesë e një organizate kriminale që merret me shfrytëzim prostitucioni, është arrestuar në Tiranë.
Sipas policisë, I.alias I.M., 40 vjeç, banues në kryeqytet, është arrestuar provizorisht me qëllim ekstradimi drejt Italisë.
40-vjeçari rezulton person në kërkim ndërkombëtar, pasi Gjykata e Salernos, Itali, ka lëshuar urdhrin e kërkimit ndërkombëtar për veprën penale “Pjesëmarrje në organizatë kriminale me qëllim shfrytëzimin e prostitucionit”. Maksimumi i dënimit për këtë vepër penale është 20 vite burgim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.