.png)
Kjo e diel ka sjellë rikthimin e orës diellore. Pas mesnate akrepat e orës u zhvendosën 60 minuta pas. Ndryshimi ndodh në orën 03:00 të mëngjesit, kur ora shënon 02:00, duke bërë të mundur një orë më shumë dritë në mëngjes.
Por ndryshimi i orës do të sjellë mbrëmjen më herët, pasi do të errësohet më shpejt. Ora diellore do të qëndrojë në fuqi deri të dielën e fundit të muajit mars 2024, kur do të ribëhet ndërrimi dhe rikthimi në orën ligjore.
Të gjitha pajisjet dixhitale si celularë e kompjuter përditësoshen në mënyrë automatike, ndërsa manualisht duhet të ndryshojmë vetëm orët analoge.
Prej disa vitesh, për shkak edhe të efekteve që ka në konsumin e energjisë, kanë nisur diskutimet për adoptimin përfundimtar të orës ligjore.
Sipas atyre që mbrojnë idenë e vendosjes përgjithmonë të orës ligjore, kjo do të sjellë kursim të energjisë elektrike, por edhe do të reduktojë çlirimin e ndotjes nga dioksidi i karbonit në atmosferë.
Në 2019, Parlamenti Evropian nisi diskutimet për këtë arsye, mirëpo pati dyshime nga shumë vende, duke mos arritur në dakordësi për aplikimin e një orë gjatë gjithë vitit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
