Ndërtesë e bërë nga 700 dritare të dhuruara

Qendra e mbetjeve në qytetin Kamikatsu të Japonisë ka gjetur një mënyrë për të tërhequr vëmendjen. Ajo është e ndërtuar nga 700 dritare.

E vendosur në brigjet e lumit Katsuura, qendra u hap në vitin 2020 në mes të pandemisë Covid-19 dhe është bërë një zemër e re për komunitetin.

“Duke zëvendësuar ish “kasollen e parafabrikuar” ku ndaheshin mbeturinat, qendra e re u ndërtua për të ndihmuar qëllimin ambicioz të qytetit për të arritur 100% zero mbetje”, tha Hiroshi Nakamura, arkitekti kryesor për projektin dhe themeluesi i NAP Architectural Consulting.

Ndërtesa fitoi një çmim nga Instituti Arkitekturor i Japonisë vitin e kaluar, dhe me vëmendjen e shtuar ndaj qytetit, komuniteti gjithashtu shpreson se mund të tërheqë banorë të rinj, të ndërgjegjshëm për mjedisin për të rritur popullsinë e tij në pakësim.

“Ne donim ta bënim këtë qendër një vend me të cilin banorët mund të krenoheshin,” tha Nakamura.

Nakamura dhe ekipi i tij filluan projektimin e qendrës së mbeturinave në konsultim me banorët e Kamikatsu në prill 2016.

Ata përdorën kryesisht materiale lokale dhe të ricikluara, duke zgjedhur lëndën e kedrit nga pyjet përreth për të krijuar strukturën mbështetëse dhe skeletin e ndërtesës. Kamikatsu kishte një industri të drurit deri në vitet 1970, kur konkurrenca nga druri i lirë jashtë shtetit e vuri industrinë në rënie. Përdorimi i materialeve lokale ndihmoi në reduktimin e karburantit nga transporti dhe paketimi, tha Nakamura si dhe përfshirja e një elementi kyç të historisë së qytetit. Druri u la në formën e tij të papërpunuar dhe të rrumbullakët në vend që të pritej në dërrasa katrore për të reduktuar më tej mbetjet.

Për strukturën dhe brendësinë e mbetur, pothuajse gjithçka u riciklua. Por krijimi i një ndërtese nga mbeturinat nuk është detyrë e lehtë. “Ne zakonisht projektojmë fillimisht dhe më pas aplikojmë materiale të gatshme për t’iu përshtatur dizajnit,” tha arkitekti. Në vend të kësaj, procesi i projektimit zgjati më shumë se dy vjet, duke siguruar dhe përshtatur çdo pjesë si një puzzle.

Disa artikuj duke përfshirë materialet e çatisë, metalet për hidroizolim, bulonat dhe vidhat për nyjet dhe pajisjet si ajri i kondicionuar dhe pajisjet hidraulike duhej të ishin të reja për të siguruar përputhjen me kodet e ndërtimit dhe standardet e sigurisë. Megjithatë, kufizimi i sasisë së burimeve të reja ende ndihmoi në uljen e ndikimit mjedisor të ndërtesës dhe kostos, e cila Nakamura vlerësoi se do të ishte dyfishuar pa përdorimin e materialeve të ricikluara.

Pothuajse gjithë ndërtesa është e ndërtuar me dritare të dhuruara për të treguar se mund të ndërtohet me material të ricikluara.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.