.png)
Në ndeshjet e mbrëmjes në kampionatin amerikan të basketbollit në fazën play off nuk ka pasur surpriza. Pretendentët për të fituar titullin kampion këtë sezon, Miluoki Baks kanë marrë fitoren e dytë në play off përballë Detroit Pistons. Fitoren e dytë e ka marrë edhe Boston Sëlltiks që triumfuan përballë Indiana Pisërs. Ndërsa Hjuston fitoi në fushën e vetë përballë Jutah Xhez.
Miluoki Baks duket se në periudhën më të rëndësishme të sezonit ka ardhur në formën më optimale. E udhëhequr nga greku Antetokounmpo Baks kanë marrë shumë lehtë edhe fitoren e dyte me ekipin nga Detrorit. 2-0 udhëheq tashmë serinë e ndeshjeve Miluoki dhe shanset që të kalojë në raundin tjetër shumë të mëdha dhe Detroit do i duhej një mrekulli për të bërë të kundërtën.
Me hapa të rëndësishëm ka vijuar rrugën e tij edhe Boston Sëlltiks. Ekipi i Stivens fitoi me Indianën në shifrat 99-91, duke hedhur kandidaturën për të vazhduar në raundin tjetër të play off-it. Fitoren e dytë e mori edhe Hjuston Rokets me Jutah Xhez në rezultatin e thellë 118 – 98. Tashmë Rokets udhëheq 2-0 serinë e ndeshjeve të play off dhe ka shumë shanse që të kalojë në raundin tjetër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
