.png)
NBA njofton se fundjava e “All Star Game 2021” e parashikuar të zhvillohej nga 12 deri më 14 shkurt në Indianapolis, është anuluar. Është vendosur që ky event do të zhvillohet nga datat 16 deri më 18 shkurt të vitit 2024.
Indianapolis do të mirëpresë paradën e yjeve të NBA-së në vitin 2024, ndërsa vitin që vjen nuk do të ketë një event të tillë si pasojë e pandemisë Covid-19. Ndërkohë që “All Star Game” e vitit 2022 do të zhvillohet në Cleveland dhe ajo e vitit 2023 do të organizohet në Salt Lake City.
Ende nuk dihet se çfarë planesh ka NBA për atë fundjavë të 14 shkurtit 2021, nëse do të zhvillojë disa ditë pushim apo do të organizojë ndonjë event tjetër. NBA do të nisë më 22 dhjetor dhe pritet të mbyllet në mes të korrikut të vitit të ardhshëm, në mënyrë që lojtarët të kenë mundësi të luajnë në Olimpiadë. Kjo do të thotë se në shkurt nuk do të ketë shumë pushime të gjata, por vetëm një pushim të vogël për basketbollistët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
