Gazeta Si - Rafael Nadal dhe Stefanos Tsitsipas kanë kaluar pa shumë probleme në turin e tretë të Uimbëlldonit. Spanjolli eliminoi lituanezin Berankis, kurse greku mundi Tompson. Te femrat, Iga Shviatek humbi një set ndaj Patinama Kerkhove.
Nadal do të ndeshet me Sonego në turin e tretë. Numri 2 në botë kaloi pas 4 setesh Berankis, në një ndeshje më të gjatë nga sa mund të ishte parashikuar për shkak të shiut.
Reply with your favourite moment of Day 4 at The Championships 👇#Wimbledon | #CentreCourt
— Wimbledon (@Wimbledon) June 30, 2022
Rafa humbi një set, por u kualifikua me rezultatin 6-4, 6-4, 4-6 dhe 6-3. Nuk zhgënjeu as numri 4 në botë, Stefanos Tsitsipas. Pas 3 setesh greku çoi në shtëpi Xhordan Tompson, me rezultatin 6-2, 6-3 dhe 7-5.
Në 1/16 e Uimbëlldonit Tsitsipas do të ndeshet me australianin Nik Kirgios, i cili mundi për një orë e 26 minuta serbin Filip Krajinoviç (numri 26), me rezultatin 6-2, 6-3 dhe 6-1.
Është eliminuar Denis Shapolavov, që u mund nga 20-vjeçari Nakashima. Në bar kanadezi vuajti shumë dhe amerikani përfitoi për ta mbyllur ndeshjen në 4 sete, 6-2, 4-6, 6-1 dhe 7-6.
Te femrat është kualifikuar numri 1 në botë, Iga Shviatek. Polakja mundi holandezen Patinama Kerkhove 6-4, 4-6 dhe 6-3. Shviatek e mbyli ndeshjen për 2 orë dhe në turin tjetër do sfidojë francezen Kornet.
Paraqitje e mirë edhe për Paula Badosa. Spanjollja eliminoi rumunen Irina Maria Bara dhe në turin tjetër do ndeshet me Petra Kvitova. Jashtë turneut ka dalë papritur çekja tjetër, Karolina Pliskova, numri 7 në botë. Ajo u mund nga britanikja Boulter, numri 118.
Është kualifikuar edhe Simona Halep, që e administroi shumë mirë ndeshjen ndaj belges Flipkens. Tani do ndeshet me polaken e re Magdalena Fręnç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.