Për shkak të situatës së motit, i cili pritet të përfshijë rajonin e Adriatikut, porti i Barit do të mbyllet përkohësisht të paktën për ditën e martë 22 shkurt 2022.
Për rrjedhojë, pezullimi do të reflektohet edhe në ndryshime apo anulime të përkohshme të lundrimeve të planfikuara nga Porti i Durrësit.
Po ashtu, të gjithë udhëtarët që kanë rezervuar lundrimin e tyre mbrëmjen e sotme (e hënë 22 shkurt) nga Porti i Durrësit drejt Portit të Barit, me tragetin “AF MARINA” dhe “RIGEL VII”, për shkak të situatës së motit, i cili pritet të përfshijë rajonin e Adriatikut, nisja sotme do të bëhet në orën 19:00 dhe jo në orën 22:00 sipas parashikimit.
Autoritetet portuale kërkojnë mirëkuptimin e udhëtarëve, të cilët duhet të paraqiten më herët në Portin e Durrësit për të kryer në kohë procedurat e imbarkimit.
Përkatësisht, imbarikimi do të fillojë në orën 16:00 për kamionët dhe në orën 17:00 për pasagjerët, njofton autoriteti portual i Durrësit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.